Улс төрийн харилцаа

Дипломат харилцаа тогтоосон огноо: 1950 оны 4 дүгээр сарын 28
ЭСЯ-даа Улаанбаатар, Будапешт хотуудад 1957 онд тус тус нээсэн. Айлын тал Улаанбаатар дахь ЭСЯ-аа 2006 оны 4 дүгээр сард хаасан. 2015 оны 5 дугаар сард ЭСЯ Улаанбаатар хотод дахин нээсэн.

Харилцан айлчлалууд   (Ерөнхийлөгч, УИХ-ын дарга, Ерөнхий сайд, Гадаад хэргийн сайдын түвшинд)

Монголын талаас:
- УИХ-ын дарга Р.Гончигдорж 1991, 1999 онд
- Ерөнхийлөгч П.Очирбат 1995 онд
- Ерөнхий сайд М.Энхсайхан 1998 онд
- Ерөнхийлөгч Н.Багабанди 2005 онд
- УИХ-ын дарга Д.Лүндээжанцан 2007 онд
- Ерөнхий сайд С.Батболд 2010 онд
- Ерөнхийлөгч Ц.Элбэгдорж 2014 онд
- Ерөнхийлөгч Х.Баттулга 2017 онд /албан бус/ тус тус айлчилсан.

Унгарын талаас:
- Ерөнхийлөгч Гөнц Арпад 1994 онд
- Парламентын дарга Сили Каталин 2006 онд
- Ерөнхийлөгч Янош Адер 2015 онд
- Гадаад хэрэг, худалдааны сайд Петер Сияяарто 2015 онд
- Ерөнхий сайд Виктор Орбан 2016 онд тус тус айлчилсан.
- Гадаад хэргийн сайд Петер Сияяарто 2016 онд АСЕМ-ын Дээд түвшний 11 дүгээр уулзалтад оролцсон.

Харилцааны түвшин

Уламжлалт найрсаг харилцаа, хамтын ажиллагаатай.
Европын Холбооны гишүүний хувьд манай “гуравдагч хөрш” орон.

Парламентын бүлэг

УИХ дахь Монгол, Унгарын Парламентын найрамдлын бүлгийн дарга Ж.Батзандан (2016 оны 8 дугаар сарын 30-ны өдөр томилогдсон)
Унгар, Монголын Парламентын найрамдлын бүлгийн дарга Ласло Хорват (2014 оны 11 дүгээр сард томилогдсон)

Эдийн засгийн харилцаа

Хөрөнгө оруулалт

1990 оноос хойшхи хугацаанд нийт 2.4 сая ам. долларын хөрөнгө оруулалт бүртгэгдсэн байна.

Худалдааны эргэлт

2017 онд худалдааны нийт эргэлт 12.3 сая ам. доллар
экспорт: 129.2 мянган ам. доллар
импорт: 12157.1 сая ам. доллар

Худалдааны бүтэц

- Экспорт: Эмнэлгийн зориулалттай радио долгионы ба рентгений хоолой, бусад хэрэгсэл, гэрийн угсармал хийц,
- Импорт: Савлагдсан эм, шоколад ба какао агуулсан хүнсний зүйлс, ундаа, ариун цэврийн хэрэглэлүүд

Засгийн газар хоорондын комисс

Худалдаа, эдийн засаг, шинжлэх ухаан, техникийн хамтын ажиллагааны Монгол-Унгарын ЗГХК-ын V хуралдаан 2015 оны 9 дүгээр сарын 23-ны өдөр Улаанбаатар хотноо болсон. Монголын хэсгийн даргаар Хүнс, хөдөө аж ахуй, хөнгөн үйлдвэрийн яамны Төрийн нарийн бичгийн дарга Л.Баяртулга,
2017 оны 9 дүгээр сарын 14-ний өдөр Унгарын хэсгийн даргаар Гадаад хэрэг, худалдааны яамны Төрийн нарийн бичгийн дарга Иштван Иедиарто (Íjgyártó István) 2017 оны 6 дугаар сарын 9-ний өдөр тус тус томилогдсон.

Хүмүүнлэгийн харилцаа

Визтэй эсэх

Дипломат, албан паспорттой иргэд 90 хоног хүртэл харилцан визгүй зорчино

Унгар Улсад амьдарч буй Монгол иргэд

1322 иргэн Унгарт албан ёсны бүртгэлтэй ажиллаж, сурч, оршин сууж байна (2018 оны 1 дүгээр сарын байдлаар)

Оюутан солилцоо

Монгол Улсын Боловсрол, соёл, шинжлэх ухаан, спортын яам, Унгар Улсын Хүний хүчний яамны хооронд хамтран ажиллах тухай хөтөлбөрийн хүрээнд жил бүр 200 оюутны Унгар Улсын Засгийн газрын тэтгэлэгээр суралцуулж байна.

Дипломат болон консулын төлөөлөл

Будапешт дахь ЭСЯ
Улаанбаатар дахь ЭСЯ
Өргөмжит консул:
Унгар Улсын Өргөмжит консул Ч.Гантулга (2012 оны 5 дугаар сард томилогдсон)